Psa 93 | KYG | STEP | Ala kava ne'mo kini vekamo mai'neno yagaino ne'apate. Agaemo ala agi'a'e ha le konali ya'a'e'mo alino vaino ali'niye. Lokiya'amo alino kukenagana huno vaino ali'niye. Agaemo ma mopamo alino lokiya vaino ate'niyanageno kanage kanage osugiye.

Psalms 93

Ala kini vekamo'a ne'yagaiya kavafe'mo ava gemae

1 Ala kava ne'mo kini vekamo mai'neno yagaino ne'apate. Agaemo ala agi'a'e ha le konali ya'a'e'mo alino vaino ali'niye. Lokiya'amo alino kukenagana huno vaino ali'niye. Agaemo ma mopamo alino lokiya vaino ate'niyanageno kanage kanage osugiye. 2 Ala kava nene, hu'na, Kagaemo akeya'vilagati'mo maime maime ne'ane. Muki afina'ae'mo kini vekamo mai'nane. 3 O Ala kava nene, hu'na, ani'mo'a aino holakau holakau nehiye. Ani'mo'a haiteno lamiteno nehigeno'ae'mo alopa agemo ne'aiye. 4 Ala kava ne'mo lokiya'amo'mo ani'mo'a aino holakau holakau nehigeno'ae'mo alopa agemo ne'aiya ani'mo lokiya'amo ago aeno agase'niye.

5 Kavayafati'mo lokiya gemo hu'nana gemo hane'niyanageno alagi hanege hanege huno afa'a hanegaiye. O Ala kava nene, hu'na, Nokamo konali ya'amo hanege hanege huno hanesiya kava hu'a vayakamogi alagepa apaote kava'apimo hane'niye.